کۆمەڵەی بیرکاری کورد وەکوو یەکەم کۆمەڵەی بیرکاری کوردی سەربەخۆ لە مانگی ١١ی ساڵی ٢٠٢١ بە هاوکاری کۆمەڵێک لە خەمخۆرانی بواری بیرکاری لە کوردستان و دەرەوەی کوردستان دامەزراوە. کۆمەڵەکە سەر بە هیچ لایەنێکی سیاسی، کۆمەڵایەتی یان ئایینی نییە وکار دەکات   بۆ خزمەت کردنی  زانستی بیرکاری لە کوردستان. لە ساڵی ٢٠٢٥، کۆمەڵەی بیرکاری کورد بە فەرمی وەکوو ڕێکخراوێکی نا‌حکوومی سەربەخۆ لەهەرێمی کوردستان تۆمار کراوە و مافی هەموو چالاکێەکی زانستی پێدراوە. 

لە ماوەی ساڵەکانی ٢٠٢١ تا ٢٠٢٥، کۆمەڵەکەمان ئەم چالاکیانەی خوارەوەی بەڕێوە بردووە و بە خۆشحاڵیەوە پێشوازیێکی باشی لێ کراوە:

• خولی فێربوونی پایتۆن (Interactive Course on Python):

  • خوڵێکی بێبەرامبەری گشتگیر بوو لەسەر زمانی بەرنامەسازیی پایتۆن.

  • زمانی وانەگوتنەوە کوردی بوو و لە تشرینی دووەمی ٢٠٢٣ تا شوباتی ٢٠٢٤ بەردەوام بوو.

• قوتابخانەی هاوینە (Summer School on Mathematical Physics):

  • پرۆگرامێکی دەوڵەمەند بوو کە ١٣ وانەی دوو کاتژمێری لەخۆگرتبوو و لەلایەن زانای بە ناوبانگی کورد پڕۆفیسۆر ئیبراهیمی کەریمی وانەکان پێشکەش کرا و ٢٠٠ خوێندکار لە کۆتاییدا بڕوانامەی بەشداری کردن لە خولەکەیەان وەرگرت. 

• یەکەمین وۆرکشۆپی KMS لەسەر بیرکاریی کارپێکراو (1st KMS Workshop on Applied Mathematics - KMSAM2023):

  • بەشێوەی سەرهێڵ لە ٧ تا ٩ی ئایاری ٢٠٢٣  بە هاوبەشی لەگەڵ زانکۆی بەکینگهامی بەڕیتانیا بەڕێوەچوو.

  •  تایبەت کرابووبە بوارەکانی "سیستەمە داینامیکییەکان" (Dynamical Systems) و "شیکاریی داتای ئەندازەیی و تۆپۆلۆژی" (Geometrical and Topological Data Analysis) . 

• زنجیرە سیمینارەکانی کۆمەڵەی بیرکاری(KMS KMS Seminar Series):

  • زنجیرە سیمینارێکی بەردەوامە کە بە ئامادەبوونی خوێندکاران و توێژەرانی بیرکاری لە ناو و دەرەوی کوردستان بەڕێوەدەچێت.

  • ئامانج لێی بەهێزکردنی خوێندنی بیرکاری و پەرەپێدانی توێژینەوەی بیرکارییە لە کوردستان. 

  • زانایانی بە ناو بانگی وەکوو پرۆفیسۆر کۆچەر بیرکار و چەند بەڕێزێکی تر لەم زنجیرە سمینارە بەشدار بوون و سمیناریان پێشکەش کردووە. 

• پێشبڕکێی بیرکاریی نێوان زانکۆکان لە کوردستان (Kurdistan Mathematics Competition - KMC):

  • یەکەمین پێشبڕکێ لە ٢٤ی حوزەیرانی ٢٠٢٥ بە هاوبەشی لەگەڵ زانکۆی کوردستان-هەولێر (UKH) بەڕێوەچوو.

  • ئامانجی سەرەکی دەستنیشانکردن و پێگەیاندنی خوێندکارە بەهرەمەندەکانە بۆ بەشداریکردن لە پێشبڕکێی نێودەوڵەتی بیرکاری (IMC).

  • بابەتە سەرەکییەکانی پێشبڕکێکە: کالکیولەس (Calculus)، جەبری هێڵی (Linear Algebra)، و هاوکێشە جیاکارییە ئاساییەکان (Ordinary Differential Equations).

  • ئەم پێشبڕکێیە ساڵانی داهاتووش بەردەوام دەبێت.